चेम्बरद्वारा राहत सामग्री हस्तान्तरण
न्यूजअभियान | प्रकाशित मिति : २०८३ भदौ १४ आइतबार | (रासस)
काठमाडौँ, १४ भदौः नेपाल चेम्बर अफ कमर्सले रसुवास्थित भोटेकोशी बाढीबाट प्रभावितका लागि राहत सामग्री हस्तान्तरण गरेको छ । चेम्बरले आज नेपाल प्रहरीको विपद् प्रतिकार्य तथा तालिम केन्द्र सामाखुसीलाई ती राहत सामग्री हस्तान्तरण गरेको हो ।
सरकारलाई तयारी पोसाक, चिउरा, बिस्कुट, सेनिटरी प्याड, मञ्जन, ब्रस, पञ्जा तथा मास्क, टिसर्ट, दाललगायत दैनिक आवश्यक सामग्री हस्तान्तरण गरिएको चेम्बरका वरिष्ठ उपाध्यक्ष दीपककुमार मल्होत्राले जानकारी दिनुभयो ।
यसअघि चेम्बरले नेपाल प्रहरीलाई १७ र विदुर नगरपालिकालाई दुई वटा ड्रोन तथा १२५ वटा पावर बैंक हस्तान्तरण गरेको थियो ।
